बर्सिलोनाका यूवा विंगर फाति घाईते
खेल
कार्तिक २३, २०७७ | एजेन्सी

     क्याटलान क्लब बार्सिलोना तथा स्पेनका विंगर अन्सु फाती कम्तीमा तीन महिना मैदान बाहिर रहने भएका छन् । स्पेनिस ला लिगामा शनिबार राति रियल बेटिसमाथि ५–२ को जित निकालेको खेलमा १८ वर्षीय फातीले चोट बोक्न पुगेका थिए । बार्सिलोनाले फातीको चोट पुष्टि गर्दै उनले कम्तीमा पनि तीन देखि पाँच महिना मैदान बाहिर रहने जनाएको छ ।

     फातीको चोटले बार्सिलोना र स्पेनलाई टोलीमा अभाव खड्कनेछ । खेलको ३२औं मिनेटमा एइसा मान्दीको खराव ट्याकलमा पर्दा फातीले बाँया घुडामा चोट बोक्न पुगेका थिए । त्यसमै प्राप्त पेनाल्टीमा एन्टोइन ग्रिजमन चुकेका थिए । उनको घुडाको मेनिस्कसमा चोट रहेको बुझिएको छ ।

     बार्सिलोनाका डक्टर रिप्पलका अनुसार फाती कम्तीमा पनि तीन देखि पाँच महिना मैदान बाहिर रहन सक्ने बताएका छन् । तर विस्तृत परिक्षणपछि मात्रै उनी कति समय मैदान बाहिर रहने बाहिर आउनेछ ।

     चोट बोकेसँगै फातीले यस महिना हुने तीन अन्तर्राष्ट्रिय खेल पनि गुमाउने भएका छन् । स्पेनले नेदरल्यान्ड्स, स्वीट्जरल्यान्ड र जर्मनीसँगै खेल्दैछ । फातीले यि तीन खेल नै गुमाउनेछन् । यस्तै फातीले एट्लेटिको म्याड्रिडसँगको खेल गुमाउनुको साथै जनवरीमा साउदी अरेबियामा हुने स्पेनिस सुपर कपसमेत गुमाउने सम्भावना बढेको छ ।
फातीले यो सिजन बार्सिलोनका लागि उत्कृष्ट प्रदर्शन गरिरहेका छन् । उनले यो सिजन १० खेलमा ५ गोल गरिसकेका छन् ।

 

खेल
कोभिड–१९ विरुद्धको खोप प्राप्तिका लागि कूटनीतिक
मंसिर १०, २०७७ | रेडियो सराङ्गकोट रिपोटर
रुसमा कोरोना भाइरस नियन्त्रणबाहिर, जनवरीसम्म युरोपमा
मंसिर १०, २०७७ | रेडियो सराङ्गकोट रिपोटर
त्रिशूली अस्पतालले स्वाब सङ्कलन नगर्ने
मंसिर ९, २०७७ | रेडियो सराङ्गकोट रिपोटर
अमेरिकी कम्पनी मोडेर्नाले कोरोना खोपको २५
मंसिर ८, २०७७ | रेडियो सराङ्गकोट रिपोटर
हाम्रा स्तम्भहरु

All right Reversed. @ 2020 Radio Sarangkot

Design & Developed By AB Group (P.) Ltd.