पोखराकाे गुरुङ मगर रमाइलो ग्रुप द्वारा मानहुँकोटमा डस्बिन ब्यवस्थापन
स्थानिय समाचार
कार्तिक २४, २०७७ | एजेन्सी

तनहूँ जिल्लाको सदरमुकाम दमौलीबाट दक्षिण पश्चिममा पर्ने मानुङ कोट, प्राकृतिक दृष्याबलोकन गर्न रुचाउनेहरुको लागि राम्रो गन्तब्य हो । साविक जामुने गाविस वडा नंं। १ मा पर्ने मानुङ कोट हाल व्यास नगरपालिका वडा नं ५ मा पर्दछ । सदरमुकाम दमौलीबाट दुई पांग्रे सवारीमा करिब २० मिनट, बसमा करिब आधाघण्टा र पैदल एक देखि सवा एक घण्टामा मानुङकोट पुग्न सकिन्छ ।मौसम बदलिँदो छ। बिहान बेलुकी चल्ने हावा चिसिँदै गएको छ। जाडो मौसम सुरुवातको संकेत कुहिरोले पनि दिन्छ।

हाल कुहिरोकै कारण आकर्षणको केन्द्र बनेको छ तनहुँको मानुङ कोट। कोरोना भाइरस संक्रमणको महामारी र लकडाउनका कारण प्रभावित पर्यटन क्षेत्रलाई केही राहत दिँदै आन्तरिक पर्यटकको चहलपहल देखिन थालेको छ उक्त क्षेत्रमा।

चहलपहल बढे सँगै मानुङ कोटमा फोहरमैला पनि व्यवस्थित हुन नसकेको अवस्थामा पोखराका एक युवा समुहले मानुङ कोटमा डस्विन राखिदिएको छ । पोखरामहानगरपालिका वडा न १०,१५ का गुरुङ मगर रमाइलो ग्रुपका समुहले १२ थान डस्बिन राखिदिएको हो । गुरुङ मगर रमाइलो ग्रुपका समुहका रेसम राना मगरले फेसवुक टिकटकमा सबैले मानुङ कोटको तस्विर सङसगै फोहोर मैला पनि नगरिदिनु होला भन्ने जस्ता समाचारहरु देखे पछी डस्विन नै किन न राखिदिने भन्दै सोच आएपछी साथीहरु सँग छलफल गर्दा सबैले सहयोग गरेपछी आफुहरु सफल भएको बताए ।
समुहका अर्का सदस्य आश गुरुङले मानुङ कोटमा डस्विन राख्ने अभियान सफल रहेको बताउदै डस्बिन सौजन्य गरिदिने सवैलाई धन्यवाद दिए । गुरुङले भने उदेश्य बिनाको घुमाईको कुनै महत्व छैन ,हाम्रो उदेश्य मानहुकोटमा घुम्नुका साथ साथै डस्बिन पनि राखि त्यहाको सौन्दयलाई पनि अझै खारिदिउ भनेर अभियानको सुरुवात गरेका हौ । हर कोही मानहुकोट पुगेर तस्विर टिकटक राख्न आतुर हुन्छ्न तर आफु सङै लगेका फोहोर पनि मिल्काएर जान्छन ।डस्विन राख्नुका उदेश्यपनि यही हो, अव्यबस्थीत फैलिएका फोहोरहरु केन्द्रित गरेर व्यवस्थित गर्नु । हाम्रो कामले पक्कै पनि अरुलाई पनि यस्ता कार्यमा पोत्साहन मिल्ने कुरामा विश्वास छ। व्यास ५ का वडाअध्यक्ष मोहनकुमार श्रेष्ठले डस्बिन राखिदिने समुहलाई धन्यवाद दिएका छन् । घुम्न मात्र नभई सामाजिक कार्यमा युवाहरुको सहभागिता प्रंशशनीय रहेको बताए । मानुङकोट पुग्नका लागि कच्ची सडक खुलिसकेको छ। अहिले सडक स्तरोन्नतिको काम भइरहेको छ। सडक पक्की बनाउन ठेक्का सम्झौता भएर काम अघि बढिसकेको व्यास ५ का वडाअध्यक्ष मोहनकुमार श्रेष्ठ बताउँछन्। ‘यहाँ अहिले खाजाघरहरु खुलिरहेका छन्। रोड पक्की हुँदै छ,’ वडाअध्यक्ष श्रेष्ठले भने, ‘गतवर्ष हामीले छेउपट्टिको भागमा भीर भएकोले रेलिङ हाल्यौँ।
उनले गण्डकी सरकार र नगरपालिका मिलेर विभिन्न पर्यटकीय संरचना बनाउने, पर्यटकीय गतिविधिका कार्यक्रमहरू पनि गर्ने तयारीमा रहेको बताए। 

कोभिड–१९ विरुद्धको खोप प्राप्तिका लागि कूटनीतिक
मंसिर १०, २०७७ | रेडियो सराङ्गकोट रिपोटर
रुसमा कोरोना भाइरस नियन्त्रणबाहिर, जनवरीसम्म युरोपमा
मंसिर १०, २०७७ | रेडियो सराङ्गकोट रिपोटर
त्रिशूली अस्पतालले स्वाब सङ्कलन नगर्ने
मंसिर ९, २०७७ | रेडियो सराङ्गकोट रिपोटर
अमेरिकी कम्पनी मोडेर्नाले कोरोना खोपको २५
मंसिर ८, २०७७ | रेडियो सराङ्गकोट रिपोटर
हाम्रा स्तम्भहरु

All right Reversed. @ 2020 Radio Sarangkot

Design & Developed By AB Group (P.) Ltd.